تأمين سيارات: سبع أسباب للتأمين على سيارتك فى مصر

عربيتك دايماٌ بتبقى عزيزة عليك و من غيرها بتتبهدل, فعشان كدة بتهتم بيها جداً و خوفك عليها بيخليها مصدر قلق ليك لأسباب مختلفة سواء كانت الصيانة و مصاريفها ,السواقة و الزحمة أو التعامل مع المواقف المفاجئة اللي ممكن تحصلك وعشان تريح بالك و تسوق وانت مطمن لازم تأمن على عربيتك من خلال حصولك على تأمين سيارات شامل اللى بيغطيك ضد الأخطار المختلفة و دول أهم 7 أسباب تخليك محتاج تأمين سيارات على عربيتك فى مصر


 

ناس كتير بتكسر قواعد المرور

عدد كبير من سائقين السيارات بمختلف أنواعها مبيلتزموش بقواعد المرور و اتيكيت السواقة سواء عشان مش عارفينها او مش فارق معاهم و النتيجة أنهم بيعرضوا نفسهم و غيرهم لمخاطر مختلفة

السائقين المتهورين

مفيش أكتر منهم على طرقنا, بيجرو و بياخدو غرز و فاكربن ان السواقة ملهاش كبير سواء كانو سواقين ميكروباصات أو شباب بيسوق كأنه فى حلبة سباق أو سواق نقل تقيل مش فارق معاه أللي حواليه. و كلنا عارفين النوع ده من السواقة بيؤدي لأيه مع كل أسف

حالة الطرق

في تحسن ملحوظ فى الطرق وفى شبكة طرق جديدة على أعلى مستوى ,  لكن لسة في طرق متعددة داخل و خارج المدن فى حالة سيئة و مليئة بالمفاجئات الغير سارة ليك و لعربيتك. يعني عادى جدأ تكون سايق و تلبس فى حفرة أو تطير من فوق مطب و انت و نصيبك يا تيجى سليمة او تحصل مشكلة

الزحام

العادى فى كتير من الشوارع و الطرق فى مصر انها تكون واقفة على مدار اليوم و ده بيخلى ناس كتير تقضى ساعات طويلة من يومها جوة العربية فى الطرق المزدحمة و ده بيكون سبب للإرهاق و فقدان التركيز و فى الأخر بتحصل خبطات و حوادث بسيطة بتبهدل العربية

التكاتك و الموتسيكلات

فى اماكن كتيرة فى مصر انتشرت التكاتك و الموتسيكلات بشكل كبير و مزعج. و فى الغالب بيسوقهم شباب متهور و بيشكل خطورة كبيرة على السيارات الاخرى خصوصا فى الشوارع الضيقة أو الزحمة و اللى بسهولة ممكن يكسرلك مراية او يخبطلك رفرف و يجرى

ترجع تلاقى عربيتك مخبوطة

عادى جدا تركن فى شارع وترجع تلاقى عربيتك فيها خبطة مش مفهومة أو حد مؤذى ماشى بمسمار و مجرحهالك

قطع الغيار و اسعارها

مع ارتفاع تكلفة امتلاك العربية دلوقتى, أصبح تصليح عربيتك بشكل كويس فى حالة ابسط الحوادث شىء مكلف و لو هتعتمد على قطع الغيار الأصلية هتتحمل فاتورة كبيرة . لكن من خلال تأمينك على عربيتك هتكون ريحت بالك و فى نفس الوقت وفرت فلوسك لو لاقدر الله حصل اى حادث

من خلال موقع أمان ليك هتقدر تقارن و تختار تأمين سيارات مناسب لعربيتك ما بين العديد من عروض شركات التأمين المختلفة  اللي بتكون معروضة بكل تفاصيلها عشان تكون واثق في اختيارك (أضغط هنا عشان تقارن عروض التأمين دلوقتي) و تكسب راحة بالك من المخاطر ألى ممكن تتعرضلها عربيتك. وفوق كل ده أمان ليك هتقدملك خدمة عملاء لمساعدتك طول فترة التأمين

سبع أسباب للتأمين على سيارتك فى مصر

2 thoughts on “سبع أسباب للتأمين على سيارتك فى مصر

  • يوليو 14, 2019 at 7:37 ص
    Permalink

    ارغب فى عمل تامين على محتويات المنزل ، وهى شقة بالتجمع الخامس خوفا من السرقة .
    كما انى عرفت انه يمكن تامين الشقة بمحتوياتها فى حالة وضد مشكلة فى صرف الشقة او العمارة . والشقة اتغرقت.

    Reply
    • يوليو 15, 2019 at 11:31 ص
      Permalink

      أهلا و سهلا بحضرتك , سعداء أن أحنا نساعدك في توفير تأمين لمنزلك و سيتم التواصل من خلال الإيميل للمساعدة و الإجابة عن كل إستفساراتك بخصوص التأمين علي الممتلكات

      Reply

اترك تعليقاً

لن يتم نشر عنوان بريدك الإلكتروني.