٧ طرق عشان توفر في التأمين على السيارات

عشان في أمان ليك عارفين أنك و قت شراء التأمين على السيارات سعر التأمين بيفرق معاك و كل جنيه ممكن توفره هيكون أحسنلك و أنت بتشتري بنقدملك نصايح هتساعدك في الحصول علي أوفر تأمين سيارات في مصر عشان تستمتع بالحماية و راحة البال من غير ماتصرف كتير

۱ - حدد هدف شراء التأمين على السيارات

لو أنت بتشتري التأمين على السيارات عشان تحمي نفسك و تشتري راحة بالك بجد لو لا قدر الله حصل حاجة يبقى الحصول علي أرخص سعر مش الأولوية لكن ده ميمنعش أنك تشتري تأمين يكون تمنه فيه و تقدر تستخدمه بكل سهولة و ممكن تقرا أكتر عن الحاجات اللي تاخدها في إعتبارك عشان تقيم البوليصة في اللينك ده

أما لو انت بتشتري التأمين عشان مضطر بسبب تقسيطك للسيارة من خلال بنك فممكن التأمين ميكونش أولوية ليك و بتشتريه عشان تخلص ورق و هنا التوفير هيكون عامل مهم لكن مش شرط أرخص حاجة تروحلها لأن ساعات الفروقات في السعر بتكون بسيطة في مقابل بوليصة تأمين بمزايا أفضل و لو أنت كدة كدة هتجيب تأمين فممكن تجيب حاجة تبقي للبنك و تنغعك بشكل كويس لو أحتجت التأمين

۲- إسأل عن زيادة نسبة التحمل

في بعض الشركات تقدر تزود نسبة تحملك في إصلاح السيارة و ده بيخلي سعر البوليصة يقل بشكل نسبي مع زيادة نسبتك في التحمل فلو في العادي نسبة التحمل بتبقي 0% او 10% لو زودت نسبة التحمل ل 25% سعر البوليصة هيقل بشكل هيوفرلك و قت الشراء بس و قت الإصلاح هتدفع أكتر

۳- النسبية

في بعض الشركات خصوصا لو أنت بتأمن علشان البنك و التقسيط و مش هيفرق معاك شخصيا أنك تكون مأمن علي العربية بالكامل – تقدر تأمن علي قيمة القرض او الحد الأدني المسموح بتأمينه لعربيتك مش علي قيمة العربية بالكامل و في الحالة دي نسبة التأمين بتتحسب على القيمة الجزئية مش كامل قيمة العربية و ده بيقلل سعر البوليصة بس بيخلي التأمين يغطي نسبة من قيمة الإصلاحات فقط مش قيمة الإصلاحات بالكامل

٤- سعر السيارة في السوق

تأكد من تقييم سعر السيارة في السوق مع المتوسط العام لسعر البيع الفعلي لو سيارتك مستعملة بحيث أن التأمين يكون علي أساس السعر السوقي العادل للسيارة من غير مبالغة او إنقاص من سعرها لو السيارة زيرو السعر ييكون سعر الشراء

٥- تخفيض عدم المطالبة

لو أنت مأمن مع شركة و بتفكر تجدد, في بعض الشركات بتقدم تخفيض عدم المطالبة و اللي بيتنفذ لو عدت عليك السنة و وقت التجديد مكنتش أستخدمت التأمين في أي مطالبات سابقة خلال سنة التأمين عشان كدة ساعات لو في مطالبات بسيطة و ناوي تجدد التأمين ممكن يكون أفضلك انك متعملهاش مع شركة التأمين

٦- ماتشتريش تأمين المعرض بشكل مباشر

لو بتشتري عربية زيرو و حسيت أن بياع المعرض بيحاول يبعلك بوليصة تأمين معينة و بدون شرح أو إغطائك خيارات مناسبة يبقي أستني شوية و حاول تشوف عروض مختلفة في السوق عشان تقدر تعرف لو البوليصة ديه مناسبة ليك أو ممكن يكون عندك خيارات أفضل

٧- شوف عروض من شركات مختلفة و أختار بنفسك

حاول تشوف عروض مختلفة و قارن و أختار الأنسب ليك و ده تقدر تعمله بسهولة من خلال خدمة موقع امان ليك لمقارنة عروض و اسعار التأمين على السيارات , لأننا متعاقدين مع شركات تأمين مختلفة و بنوفر عروض تناسب كل الإحتياجات فبكل بساطة بتدخل تفاصيل عربيتك و بنقدر نرشحلك عروض تناسبها و بنساعدك تقارن و تختار عن طريق عرض تفاصيل و أسعار كل بوليصة

نصيحة إضافية , حاول تعرف شبكة مراكز الإصلاح اللي شركة التأمين متعاقدة معها و بتقدم خدمة الخصم المباشر (اللي هو أنك مش بتدفع غير نسبة التحمل و الشركة بتدفع مباشرة لمركز الإصلاح) و لو الشبكة فيها توكيل سيارتك أو مركز معتمد من التوكيل هيبقي من الخيارات الأحسن عشان هتوفر عليك كتير في حالة إحتياجك للتصليح

و لو عندك أي أسئلة تانية بخصوص التأمين بشكل عام أو التأمين على السيارات في مصر بشكل خاص تقدر تتواصل معانا من خلال موقعنا أو صفحتنا علي فيسبوك و فريق عمل أمان ليك هيساعدك و يجاوب علي أستفسارتك

٧ طرق عشان توفر في التأمين على السيارات

2 thoughts on “٧ طرق عشان توفر في التأمين على السيارات

  • أبريل 18, 2020 at 8:59 ص
    Permalink

    لو انا عايز اغير شركة التأمين ينفع ولا لازم اكمل المدة كلها مع نفس الشركة اللي تم التعاقد معاها وللعلم انا خلاص تقريبا فاضل شهر على انتهاء السنة

    Reply
    • أبريل 19, 2020 at 12:30 م
      Permalink

      اهلا بيك ا/ طارق في أمان ليك
      حضرتك تقدر تلغي وثيقة تأمين السيارات في أي وقت خلال السنة مع استرداد قيمة الفترة المتبقية من التغطية, لكن في حالة حضرتك وإن فاضل شهر واحد فالافضل اننا نكمل الشهر مع نفس الشركة لأن القيمة المستردة في الحالة دي هتبقى قليلة جدا.

      و لمعرفة اسعار وتفاصيل التأمين من الشركات المختلفة تقدر تشوفها على اللينك ده https://amanleek.com/insurance-products/car-insurance/

      Reply

اترك تعليقاً

لن يتم نشر عنوان بريدك الإلكتروني.