معلومات لازم تعرفها و أنت بتشتري تأمين العربية الشامل

و أنت بتشتري تأمين العربية لازم تبقي عارف كويس البوليصة الي أنت شاريها بتغطيك أزاي و شروطها ايه. عشان وقت ما تحتاج تأمين العربية تقدر تستفيد منه بأكبر قدر و من غير أي مفاجئات.

و عشان كدة مش دايماً  أرخص سعر هو أفضل حاجة في التأمين لأنه ببساطة بيبقي في مميزات و إختلافات هنتكلم عنها و نوضحها عشان نساعدك تاخد قرار شراء تأمين سيارتك الشامل اللي يناسبك بكل ثقة

١- التحمل:

هو جزء بيقوم العميل بدفعه من تكلفة الإصلاح/التعويض فكرة التحمل أنه بيخليك تشارك التأمين في الخسارة و ده بيخلي عندك حرص أكبر علي عدم الخسارة علي عكس لو مفيش تحمل نهائياً و بيبقي في نوعين من التحمل

التحمل الإختياري: بيكون نسبة مئوية مذكورة في البوليصة بيتحملها العميل من تكلفة الإصلاح و لو زادت نسبة التحمل ده بيخلي سعر البوليصة يقل و ممكن تخلي نسبة التحمل 0% و ده بيخلي سعر البوليصة عالي لكن بيخليك متطمن أن شركة التأمين هتدفع كل تكلفة الإصلاح ماعدا التحمل الثابت

التحمل الإجباري: هو قيمة متفق عليها في البوليصة بيتحملها العميل في أي تعويض علي سبيل المثال العميل بيتحمل أول 500 جنيه من قيمة الإصلاح

٢- الإصلاح المباشر:

كل شركة تأمين بتكون متعاقدة مع عدد من مراكز الخدمة المتخصصة في إصلاح السيارت للأنواع المختلفة , في حالة إنك احتجت تصلح بيبقي أفضل إنك تصلح من خلال المراكز اللي داخل الشبكة لأن ده بيخليك تصلح بدون متدفع كاش من فلوسك و بيتم دفع الحساب من خلال الشركة للمركز مباشرة.

دي ميزة مهمة جداً عشان متبقاش مطالب أنك توفر سيولة كبيرة و تدفع من جيبك و بعدين تسترد قيمة الفواتير من التأمين و دي بتكون الحالة لو أنت تعاملت مع مراكز خدمة خارج الشبكة و عشان تحقق أفضل إستفادة و تكون متطمن للتصليح يفضل تشتري التأمين من شركة تكون متعاقدة مع مراكز التوكيل الخاص بعربيتك أو المراكز المعتمدة منه

٣- محضر الشرطة:

عشان تطلب تعويض من شركة تأمين السيارات بتحتاج تقدم محضر الشرطة لإثبات الحادث ,لكن حسب البوليصة ممكن ميكونش مطلوب منك محضر الشرطة للتعويضات أللي بتكون أقل من قيمة معينة (علي سبيل المثال تعويضات إصلاح تكلفتها أقل من خمسين ألف جنيه)

ده بيكون مفيد جدا في حالة أنك محتاج تستخدم التأمين في إصلاح حوادث بسيطة أنت متوقع ان قيمتها مش هتكون أكتر من الحد المذكور في البوليصة و بالتالي بتوفر لنفسك وقت و مجهود عمل محضر الشرطة

٤- المميزات الإضافية:

بيتم تقديم مجموعة من المميزات الإضافية في بعض بوليصات تأمين السيارات و أللي ممكن تحسها رفاهية أو حاجات مش مهمة بس وقت لما تتعرض للموقف هتقدر قيمتها بشكل كبير زي خدمات المساعدة علي الطريق أو السيارة البديلة في بعض الحالات. بس المميزات ديه بتأثر علي سعر البوليصة

و أنت بتشتري تأمين العربية أو بتجدده من خلال أمان ليك هتقدر تقارن العروض المختلفة بكل تفاصيلها و بأفضل الأسعار من شركات منتقاة بعناية عشان تختار بثقة لأنك هتكون عارف شروط البوليصة أليي هتحصل عليها و تقرر بنفسك ده بالإضافة إن كمان خدمة عملاء أمان ليك هتجاوبك لو عندك أي سؤال و تساعدك في إستخدام التأمين الي بتشتريه من خلالنا

٤ حاجات لازم تعرفهم قبل ماتشتري تأمين لعربيتك في مصر

2 thoughts on “٤ حاجات لازم تعرفهم قبل ماتشتري تأمين لعربيتك في مصر

  • أبريل 20, 2020 at 10:20 ص
    Permalink

    تأمين إصلاح في حدود50 ألف وبدون محضر التحريات وبدون نسبة علي العميل. في سيارة ب 200 ألف كاش. كام قيمة التأمين. وشكرا

    Reply
    • أبريل 21, 2020 at 11:58 ص
      Permalink

      اهلا بحضرتك ا/ ابراهيم
      تقدر تدخل على اللينك ده https://amanleek.com/insurance-products/car-insurance

      هتدخل نوع السيارة وقيمتها وهيظهر ليك عروض من شركات التأمين المختلفة بكل تفاصيلهم واسعارهم تقارن ما بينهم

      Reply

اترك تعليقاً

لن يتم نشر عنوان بريدك الإلكتروني.